...“Mövsümün sonunda klubdan ayrılmaq qərarım dəyişməyəcək. Mən bunu qəbul etdim və bu düzgündür. Bu, təkcə kluba, oyunçulara, mətbuata deyil, həm də mənə və ətraf mühitə rahatlıq verdi... lakin mən qərarımı dəyişməyəcəyəm”, - insayder Fabrizio Romano sosial şəbəkələrdən birində Xavinin sözlərini sitat gətirir.
Aprelin 10-da Çempionlar Liqasının 1/4 final mərhələsinin ilk oyununda “Barselona” səfərdə PSJ-yə 3:2 hesabı ilə qalib gəlib. Komandalar arasında cavab oyunu gələn çərşənbə axşamı, aprelin 16-da Barselonada keçiriləcək.
Xavi karyerasını bitirdiyini elan edəndən bəri "Barselona" məğlub olmayıb. Kataloniya komandası yanvarın sonundan məğlubiyyətlə üzləşməyib.
Komandanın sonuncu məğlubiyyəti yanvarın 27-də İspaniya çempionatında "Barselona"nın "Vilyarreal"a uduzduğu (3:5) olub. Həmin görüşdən sonra komandanın baş məşqçisi Xavi mövsümün sonunda klubdan istefa verdiyini açıqlamışdı. O vaxtdan bəri 9 qələbə olub, 3 görüş heç-heçə başa çatıb.
SİA xatırladır ki, Xavi 2021-ci ilin noyabrından "Barselona"ya rəhbərlik edir. 30 oyundan sonra "Barselona" İspaniya La Liqasının turnir cədvəlində 67 xalla "Real Madrid"dən 8 xal geri qalaraq ikinci yerdədir.
Ötən mövsüm kataloniyalılar İspaniya çempionu olub və ölkə Superkubokunu qazanıblar.
Nazlı
Bütün xəbərlər Facebook səhifəmizdə
USD
EUR
GBP
RUB