"Cocuq Mərcanlıda məscid ucaldılacaq"

"Azərbaycanın dövlət başçısının sülhsevər siyasətini dəstəkləyən, Ermənistan-Azərbaycan, Dağlıq Qarabağ münaqişəsinin Azərbaycanın ərazi bütövlüyü çərçivəsində həllini, ədalətli sülhün bərqərarını istəyən xalqımız beynəlxalq səylər nəticə verməzsə, özü ədaləti bərpa etməyə qadirdir". SİA-nın xəbərinə görə, bunu Qafqaz Müsəlmanları İdarəsinin sədri Allahşükür Paşazadə Bakıda keçirilən "İslam Həmrəyliyi: din və mədəni müxtəlifliyin harmoniyası" adlı beynəlxalq konfransda çıxış edərkən deyib.

O bildirib ki, ildönümünü yaşadığımız Aprel zəfəri bunun bariz nümunəsidir: "Allah bütün şəhidlərimizə rəhmət etsin! Ali Baş Komandanın əmrinə müntəzir Azərbaycan ordusu bayrağımızı işğal altında olan bütün topraqlarımızda ucaldacaqdır, inşallah. Dədə-baba torpaqlarımıza qovuşub oradakı dini-mənəvi məkanlarımızı bərpa edəcəyik. Dövlət rəhbərimizin dəstək və yardımı ilə Cocuq Mərcanlıda ucaldılacaq məscid xalqımız üçün müjdə olacaq. Böyük qayıdışımızın, şanlı qələbəmizin şəninə veriləcək azanları eşidəcəyimiz zaman uzaqda deyil, inşallah!".

Bütün xəbərlər Facebook səhifəmizdə

loading...