Bu gün Yeni Azərbaycan Partiyası (YAP) Suraxanı rayon təşkilatı Qadınlar Şurasının təşkilatçılığı və Gənclər Birliyinin üzvlərinin iştirakı ilə 8 Mart Beynəlxalq Qadınlar Gününə həsr olunmuş "Bir gül, min təbəssüm" adlı aksiya keçirilib. SİA- nın xəbərinə görə, Suraxanı rayonu ərazisində keçirilən aksiyada gənclər xanımlara gül çələngi hədiyyə ediblər.
Qadınlara "Yer üzünün ən zərif, ən gözəl və ən mərhəmətli varlıqları – Xanımlarımız ! Sizlər hər biriniz bir çiçəksiniz ! Hər biriniz ailələrin bəzəyi, cəmiyyətimizin yaraşığısınız ! – deyə, müraciət edilib.
Aksiyanın məqsədi 8 Mart - Beynəlxalq Qadınlar günü münasibətilə ən çox zəhmətə qatlaşan, bütün sahələrdə xüsusi xidmətləri olan fədakar ana və bacıları sevindirməkdən ibarət olub. Qadınları yalnız 8 Mart Qadınlar günündə deyil, hər zaman yad etməyə borcluyuq.
Yeni Azərbaycan Partiyası (YAP) Suraxanı rayonu təşkilatı bütün qadınları təbrik edir, onlara fəaliyyətlərində uğurlar arzulayır. Bayramınız Mübarək olsun!
Bütün xəbərlər Facebook səhifəmizdə
USD
EUR
GBP
RUB