"Yay məktəbi"nin iştirakçıları Oğuz gəncləri ilə yoldaşlıq oyunu keçirdilər FOTOLAR

Yeni Azərbaycan Partiyası Gənclər Birliyinin (YAP GB) "Gənc Liderlər" gənc siyasətçilər üçün "Yay məktəbi" layihəsinin Oğuzdakı "Afra" oteldə məskunlaşmış iştirakçıları yerli gənclərlə yoldaşlıq futbol matçı keçiriblər. SİA-nın məlumatına görə, Oğuz Olimpiya İdman Kompleksinin futbol zalında keçirilən oyunu I dərəcəli hakim Müslüm Mövsümov idarə edib. Maraqlı keçən matçda 10 qol qeydə alınıb. Bu qollardan 7-si yerli komandanın, 3-ü "Yay məktəbi" iştirakçılarının aktivinə yazılıb.

Xatırladaq ki, bu gün gənclər üçün "İKT və informasiya təhlükəsizliyi" adlı seminar da təşkil olunub.

Axşam saatlarında isə gündəlik hesabat foto-slayd nümayiş olunacaq, intelektual oyun və diskoteka keçiriləcək.

Elgün Vidadioğlu, Oğuz

Bütün xəbərlər Facebook səhifəmizdə

loading...