Azərbaycan Milli Elmlər Akademiyası (AMEA) elmi tədqiqat institutları və müəssisələri üzrə doktoranturaya sənəd qəbulunu avqustun sonunda elan etməyi nəzərdə tutur. Akademiyadan SİA-ya verilən məlumata görə, sənəd qəbulunun bir ay ərzində aparılması planlaşdırılır. Doktoranturaya qəbul planı təsdiqləndikdən sonra sənəd qəbulunun dəqiq tarixləri müəyyənləşdiriləcək.
Hazırda AMEA-nın elmi tədqiqat institutları və müəssisələri üzrə doktoranturaya qəbul planı Nazirlər Kabinetində müzakirə edilir.
Qeyd edək ki, AMEA-dan olan yeni ixtisaslar, yeni elmi istiqamətlər qəbul planının yeni layihəsində nəzərə alınıb. Nanotexnologiyalar, kosmik tədqiqatlar, iqtisadi həyatın modernləşdirilməsi ilə bağlı sahələr qəbul planında prioritet istiqamətlər kimi müəyyənləşdirilib.
Bütün xəbərlər Facebook səhifəmizdə
USD
EUR
GBP
RUB