Bu gün Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasında ölkəmizdə sosial-iqtisadi fəaliyyət layihəsinin (SEDA) nümayəndələri ilə görüş keçirilib. SİA-ya verilən məlumata görə, ilk olaraq çıxış edən layihənin rəhbəri Timoti Mədiqan hazırkı dövrədək görülən işlər haqqında məlumat verib.
Ölkəmizdə səfərdə olan sözügedən layihənin icraçısı Şərq-Qərb İdaəretmə İnstitutunun rəhbəri xanım Delina Fico isə hər zaman Şura haqqında yüksək fikirdə olduğunu bildirib. O, layihənin komponentləri haqqında məlumat verərək 2014-cü il üçün fəaliyyət proqramını müzakirə etməyi təklif edib.
Şuranın icraçı direktoru Fərasət Qurbanov qonaqları salamlayaraq layihə çərçivəsində Şuranın əməkdaşlıq təkliflərini onların diqqətinə çatdırıb. Görüşdə region QHT-ləri üçün müxtəlif mövzularda təlimlərin təşkili, elektron xidmətlərin təkmilləşdirilməsi, ictimai iştirakçılıq, o cümlədən yeni qəbul edilən qanunların təbliği, beynəlxalq konfransın keçirilməsi, təcrübə mübadiləsi səfərlərinin həyata keçirilməsi, təlimçilər komandasının yaradılması, təlim modullarının hazırlanması və digər məsələlər ətrafında fikir mübadiləsi aparılıb.
Bütün xəbərlər Facebook səhifəmizdə
USD
EUR
GBP
RUB