Qəddar rəftara görə 4 min manat cərimə

İşgəncə hesab olunmayan, qəddar, qeyri-insani, yaxud ləyaqəti alçaldan rəftar və ya cəzaya görə 3 min manatdan 4 min manata qədər cərimə və yaxud 2 ilədək müəyyən vəzifədən məhrum etmək, hətta 2 ilədək azadlıqdan məhrumetmə cəzası nəzərdə tutulub. Parlamentin Hüquq siyasəti və dövlət quruculuğu komitəsindən SİA-ya verilən xəbərə görə, əgər vəzifəli şəxs belə bir haldan xəbərdar olarsa, onu 3 ildən 8 ilədək azadlıqdan məhrum etmək cəzası gözləyir. Eyni əməllər sağlamlığa ağır zədə vurmaqla törədilərsə, 6-11 il azadlıqdan məhrum etmək cəzası nəzərdə tutulub.

Məcəlləyə dəyişikliyə əsasən, cinayət törədən şəxsə tətbiq edilən cəza və digər cinayət hüquqi xarakterli tədbirlər işgəncə və ya digər qəddar, qeyri-insani və yaxud ləyaqəti alçaldan xarakter daşıya bilməz. Bu məsələlər Cinayət Məcəlləsinə dəyişiklik zamanı müzakirə edilib və müzakirələrin yekunu olaraq Milli Məclisin plenar iclasında müzakirəyə tövsiyə edilib.

Bütün xəbərlər Facebook səhifəmizdə

loading...