Azərbaycanda dövlət büdcəsindən maliyyələşdirilən işçilərin maaşları Vahid Tarif Cədvəli ilə tənzimlənib
Azərbaycan Nazirlər Kabinetinin qərarı ilə dövlət büdcəsindən maliyyələşdirilən sahələrdə çalışan işçilərin Vahid Tarif Cədvəli ilə müəyyən edilmiş aylıq tarif (vəzifə) maaşları tənzimlənib. Bu barədə NK-nın yaydığı məlumatda deyilir.
Prezident İlham Əliyev dekabrda sosial təminat, kənd təsərrüfatı, meşə təsərrüfatı, meliorasiya və su təsərrüfatı, ətraf mühitin mühafizəsi, hidrometeorologiya və balıqartırma, elm və elmi-tədqiqat müəssisələrinin (Azərbaycan Milli Elmlər Akademiyasının tabeliyində olanlar istisna olmaqla) səhiyyə, təhsil (ali məktəblər istisna olmaqla) sahələrində çalışan işçilərin əməkhaqlarının artırılması haqqında bir sıra fərmanlar imzalayıb.
Həmin fərmanlara görə, 2011-ci il dekabrın 1-dən yuxarıda göstərilən müəssisələrin işçilərinin əməkhaqları 10 faiz artırılıb.
Dövlət büdcəsindən maliyyələşdirilən müəssisələrdə (Azərbaycan Milli Elmlər Akademiyasının (AMEA), AMEA-nın Naxçıvan bölməsinin tabeliyində olan elm və elmi tədqiqat müəssisələri istisna olmaqla) çalışan işçilərin əməyinin ödənilməsinin
Vahid Tarif Cədvəli
Əməyin ödənilməsi dərəcələri | Aylıq tarif (vəzifə) maaşı (manatla) |
1 | 93,5 |
2 | 98 |
3 | 103 |
4 | 108 |
5 | 113 |
6 | 118 |
7 | 123 |
8 | 128 |
9 | 133 |
10 | 138 |
11 | 143 |
12 | 150 |
13 | 162 |
14 | 174 |
15 | 188 |
16 | 220 |
17 | 303 |
18 | 382 |
19 | 644 |
Azərbaycan Milli Elmlər Akademiyasının (AMEA), AMEA-nın Naxçıvan bölməsinin tabeliyində olan dövlət büdcəsindən maliyyələşdirilən elm və elmi tədqiqat müəssisələrində çalışan işçilərin əməyinin ödənilməsinin
Vahid Tarif Cədvəli
Əməyin ödənilməsi dərəcələri | Aylıq tarif (vəzifə) maaşı (manatla) |
1 | 120 |
2 | 125 |
3 | 130 |
4 | 135 |
5 | 140 |
6 | 145 |
7 | 150 |
8 | 160 |
9 | 170 |
10 | 180 |
11 | 190 |
12 | 200 |
13 | 210 |
14 | 230 |
15 | 250 |
16 | 290 |
17 | 370 |
18 | 450 |
19 | 680 |
Bir müddət əvvəl Azərbaycan Maliyyə Nazirliyindən deyildiyi kimi, ölkə Prezidentinin son fərmanlarına əsasən, əməkhaqlarının artırılması büdcə təşkilatlarının 667,9 min işçisini əhatə edəcək.
"Əməkhaqqının 10 faiz artımının ödənilməsinə 2011-ci ildə 12,9 milyon manat həcmində əlavə vəsait yönəldiləcək. Əməkhaqqı artımının maliyyələşdirilməsi məqsədilə 2012-ci ildə dövlət büdcəsindən əlavə 154,7 milyon manat ayrılacaq", - nazirlikdən məlumat verilib.
Dekabrın 15-nə olan rəsmi məzənnə 0,7863 AZN/USD təşkil edir.
Bütün xəbərlər Facebook səhifəmizdə
USD
EUR
GBP
RUB