Bu gün Azərbaycanda polis işçilərinin peşə bayramı-2 İyul-Polis günü kimi qeyd olunur. SİA-nın xəbərinə görə, ümummilli lider Heydər Əliyevin 24 may 1998-ci il tarixli "Azərbaycan Polisi gününün təsis edilməsi haqqında" fərmanına əsasən 2 iyul respublikada hər il polis əməkdaşlarının peşə bayramı kimi qeyd edilir. Azərbaycan polisinin yaranma tarixi isə daha keçmişə, ötən əsrin 20-ci illərinə təsadüf edir.
Hələ 1918-ci il may ayının 28-də öz müstəqilliyini bəyan edən Azərbaycan Xalq Cümhuriyyətinin milli hökumətinin tərkibində Daxili İşlər Nazirliyi yaradılıb. 1918-20-ci illəri əhatə edən fəaliyyəti dövründə nazirlik və onun tərkib hissəsi olan polis Azərbaycan dövlətinin formalaşmasında, milli maraqların qorunmasında mühüm rol oynayıb, müstəqilliyin müdafiəsinin ön sıralarında olub. 1920-ci il aprelin 27-də Azərbaycan Xalq Cümhuriyyətinin süqutundan sonra SSRİ dövründə ölkə Daxili İşlər Nazirliyinin tabeliyində fəaliyyət göstərən Azərbaycan SSR Daxili İşlər Nazirliyi sosialist quruluşuna görə uyğun, mahiyyətcə sinfi xarakter daşıyan orqan idi. 1941-45-ci illərdə faşizm ilə mübarizədə Azərbaycan polisinin 800 nəfərə yaxın əməkdaşı vuruşaraq orden və medallara layiq görülüblər. Ermənistan - Azərbaycan münaqişəsi başlandıqdan sonra Azərbaycanın müstəqilliyi və ərazi bütövlüyü uğrunda döyüşlərdə daxili işlər orqanlarının və Daxili Qoşunların şəxsi heyəti 932 şəhid verib, 681 polis əməkdaşı isə əlil olub.
Bütün xəbərlər Facebook səhifəmizdə
USD
EUR
GBP
RUB