Ağdam rayonunda Vətən müharibəsi şəhidi Emil Qurbanovun xatirəsi anılıb.
SİA-nın AZƏRTAC-dan əldə etdiyi məlumata görə, rayon ictimaiyyətinin nümayəndələri, şəhid ailələrinin üzvləri, qazilər, Qarabağ müharibəsi veteranları, məktəblilər Quzanlı qəsəbəsindəki Şəhidlər xiyabanında Emil Qurbanovun məzarını ziyarət ediblər. Şəhidin məzarı üzərinə gül-çiçək dəstələri düzülüb, xatirəsi ehtiramla yad olunub.
Mərasimdə 2020-ci il sentyabrın 27-də başlayan 44 günlük Vətən müharibəsindən, Azərbaycan Ordusunun qəhrəmanlığından, qazandığı şanlı Qələbədən danışılıb, şəhidlərin qısa, lakin şərəfli ömür yolunun hər bir azərbaycanlıya örnək olduğu bildirilib.
Qeyd edək ki, Emil Qurbanov 1999-cu il dekabrın 10-da Ağdam rayonunun Çəmənli kəndində anadan olub. O, 2020-ci il oktyabrın 10-da Suqovuşan istiqamətində gedən döyüşlərdə şəhidlik zirvəsinə yüksəlib. Cəsur döyüşçü ölümündən sonra “Vətən uğrunda”, “Suqovuşanın azad olunmasına görə” və “Kəlbəcərin azad olunmasına görə” medalları ilə təltif edilib.
Bütün xəbərlər Facebook səhifəmizdə
USD
EUR
GBP
RUB