Maykl Ceksonun 1980-ci illərin ikonik dəri gödəkçəsi 306 min dollara satılıb. SİA xarici mətbuata istinadən xəbər verir ki, müğənninin reklam çəkilişində geyindiyi ağ-qara gödəkçənin hərracda 250 min ilə 490 min dollar arasında satılacağı gözlənilirdi. Cümə günü Londonda keçirilən hərracda Ceksonun gödəkçəsi ilə birlikdə 200-dən çox başqa musiqi əsəri satılıb. Onların arasında Corc Mayklın pencəyi və Emi Uaynhausa məxsus parik də olub.
Qeyd edək ki, Cekson sözügedən pencəyi 1984-cü ildə "Kola" şirkəti üçün ilk reklam filmində geyinmişdi. Belə reklamlardan birində Ceksonun saçları alovlanıb. Qəzadan sonra Cekson ciddi yanıqlar alıb. Lakin bu qəza zamanı onun əynində başqa pencək olub.
Bütün xəbərlər Facebook səhifəmizdə
USD
EUR
GBP
RUB