Şuranın korrupsiyaya qarşı mübarizə üzrə elan etdiyi maliyyə yardımı müsabiqəsinin qalibləri məlum oldu
Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının korrupsiya ilə mübarizə sahəsində QHT layihələrinin maliyyələşdirilməsi üçün elan etdiyi maliyyə yardımı müsabiqəsi yekunlaşıb.
Qurumdan SİA-ya verilən xəbərə görə, ümumi fondu 50000 manat olan müsabiqəyə 51 layihə təklifi daxil olmuş, bütövlükdə Şuradan tələb edilən məbləğ 415000 manat təşkil edib.
Şura ekspert rəylərini və QHT-lərin əvvəlki illərdə həyata keçirdiyi layihələrin icra vəziyyəti haqqında Katibliyin hazırladığı arayışları nəzərə alaraq, 11 layihənin maliyyələşdirilməsi barədə qərar qəbul edib.
Müsabiqə qaliblərinin siyahısı Şuranın qhtxeber.az və cssn.gov.az saytlarında yerləşdirilib.
Bütün xəbərlər Facebook səhifəmizdə
USD
EUR
GBP
RUB