"Ermənistan Azərbaycan torpaqlarını işğal altında saxladıqca və beynəlxalq ictimaiyyət də buna susqunluqla yanaşdıqca, müharibənin baş vermə ehtimalı böyükdür". Bu fikirləri SİA-ya açıqlamasında politoloq Elşad Mirbəşiroğlu deyib.
Onun sözlərinə görə, Azərbaycan dövləti münaqişənin beynəlxalq hüquq-norma və prinsipləri çərçivəsində ədalətli həllinin tərəfdarı olsa da, lakin müharibənin baş verməsi də istisna deyil: "Cənab Prezident İlham Əliyevin də dediyi kimi "Biz nəticəsiz danışıqları sonsuzluğa qədər aparmaq fikrində deyilik". Bu sərt və prinsipial mövqe qarşı tərəf və ATƏT-in Minsk qrupunun həmsədrləri üçün çox ciddi qəbul olunmalıdır. Əks halda regionda irimiqyaslı müharibə başlana bilər.
ATƏT-in Minsk qrupunun həmsədrləri Ermənistandan konstruktiv mövqe sərgiləməyi tələb etməlidirlər. Prezidentlərin Bern görüşündə isə biz bir daha nə Ermənistanın, nə də ATƏT-in Minsk qrupu həmsədrlərinin buna hazır olmadıqlarını gördük".
"Ermənistan Müdafiə Nazirliyi sözçüsünün səsləndirdiyi fikirlər beynəlxalq aləmin diqqətini çaşdırmağa yönəlib: "Atəşkəsi dəfələrlə pozan tərəf Ermənistana dəfələrlə xəbərdarlıq edilib ki, bunun cavabı daha ağır olacaq. Bu gün cəbhədə baş verən gərginliyə görə Ermənistan məsuliyyət daşıyır. Onlar Azərbaycanla müharibəyə cəsarət etməz".
Bütün xəbərlər Facebook səhifəmizdə
USD
EUR
GBP
RUB