Azərbaycanın Ümumdünya Ticarət Təşkilatına (ÜTT) üzvlüyü ilə bağlı danışıqlar normal məcrada davam edir. SİA-nın verdiyi xəbərə görə, bunu jurnalistlərə açıqlamasında xarici işlər nazirinin müavini Mahmud Məmmədquliyev bildirib.
Onun sözlərinə görə, noyabr ayında bununla bağlı aparılan danışıqlar səmərəli keçib: "Növbəti görüşün tarixinin Azərbaycandan asılıdır. Buna qədər ÜTT çərçivəsində danışıqlar aparan ölkələrin təqdim edəcəyi suallar cavablandırılacaq. Ermənistanın Azərbaycanın ÜTT-yə üzvlüyünə mane olacağına inanmıram. Ermənistan ÜTT-yə üzv olarkən gələcəkdə Azərbaycanın bu təşkilata üzv olacağına mane olmayacağını ifadə edən məktub təqdim edib. Bizim işçi qrupunun iclasına Ermənistan nümayəndələri də gəlir və oturub müzakirələri dinləyirlər. Ancaq suallar vermirlər".
Bütün xəbərlər Facebook səhifəmizdə
USD
EUR
GBP
RUB