Almaniya Bundesliqasının XXIV turunda "Hoffenhaym" üzərində 6:0 hesablı qələbə qazanan "Bavariya" yeni rekord müəyyənləşdirib.
SİA "sports.ru" saytına istinadən xəbər verir ki, Münhen təmsilçisi ardıcıl 5-ci səfər matçından ən azı 3 qolla dönməyi bacarıb.
Bu isə Bundesliqa tarixində yeni rekorddur. Komanda əvvəlki səfər görüşlərində "Köln" (4:1), "Maynz" (3:1), "Herta" (4:0) və "Frayburq"a (3:1) qalib gəlib. Hans-Diter Flikin yetirmələri sonuncu dəfə ötən il dekabr ayının 7-də Mönhenqladbax "Borussiya"sı ilə qarşılaşmada məhsuldarlıq baxımından çətinlik çəkib (1:2).
Qeyd edək ki, hazırda aktivində 52 xal olan "Bavariya" turnir cədvəlinə başçılıq edir.
Bütün xəbərlər Facebook səhifəmizdə
USD
EUR
GBP
RUB