Peru Prezidenti Martin Vizkarra cümə axşamı Maçu Piçu arxeoloji ərazisini sel və meşə yanğınlarından qorumaq məqsədi ilə yenidən yaşıllaşdırma kampaniyasını başladıb. SİA bunu xarici KİV-lərə istinadən xəbər verir.
Vizkarra qeyd edib ki, İnka qalasının yerləşdiyi 35 min hektar qorunan arxeoloji kompleksdə bir milyon ağac əkiləcək. Maçu Piçu mülkü, kənd təsərrüfatı, yaşayış və dini mərasimlər üçün üç fərqli bölgəni özündə cəmləşdirən ikonik yerdir.
Ekologiya nazirliyinin mütəxəssisləri yalnız məbədin deyil, qorunan ekoloji ərazinin də flora və faunasını qorumaq üçün ağac əkməyin vacibliyini vurğulayıblar. Bölgədə qışda güclü yağış və yayda meşə yanğınları səbəbindən torpaq sürüşməsi təhlükəsi var.
Bu, son səkkiz ayda Perunun ən məşhur turizm bölgəsini qorumaq üçün edilən ikinci belə bir tədbirdir. May ayında Peru, daha çox deqradasiyanın qarşısını almaq üçün ərazinin üç əsas bölümündə (Günəş Məbədi, Kondor Məbədi və İntihuatana Daşı)məhdudiyyət elan edib.
Maçu Piçu, Keçuva dilində "köhnə dağ" mənasını verir və İnka imperatoru Paçakutinin hakimiyyəti dövründə (1438-1471) tikilib.
Maçu Piçu Perunun cənub-şərqindəki Kuskonun Andean şəhərindən, köhnə İnka paytaxtına 100 kilometr (60 mil) məsafədə yerləşir və 1911-ci ildə Amerikalı tədqiqatçı Hiram Binqam tərəfindən yenidən kəşf edilib. Həmçinin, 1983-cü ildə "UNESCO" nun Dünya Mədəni İrsinə daxil edilib.
Ramilə Tanrıverdi
Bütün xəbərlər Facebook səhifəmizdə
USD
EUR
GBP
RUB