ABŞ-ın sabiq birinci xanımı Mişel Obamanın rəsmi nümayəndələrinin yaydığı məlumata görə, ABŞ-ın 44-cü prezidentinin həyat yoldaşının xatirələri noyabrın 13-də işıq üzü görəcək. “Novosti literaturı” saytı xəbər verir ki, “Becoming” (“Təşəkkül”) adlı memuar eyni vaxtda Böyük Britaniyada, Avstraliyada, Yeni Zelandiyada, Hindistanda və Cənubi Afrikada çap və rəqəmsal formatda satışa çıxarılacaq. Memuarın 24 dildə nəşr ediləcəyi gözlənilir.
“The Guardian” həftəlik qəzeti “Penguin Random House” nəşriyyat evinin “Təşəkkül” memarını yayım hüquqlarına görə ABŞ-ın sabiq prezidenti Barak Obamanın xanımına 65 milyon dollar ödədiyini yazıb. Kitabın müəllifi deyib: “Təşəkkül” üzərində çalışmağım mənim üçün dərin şəxsi təcrübə idi”.
Mişel Obama kitabını belə şərh edir: “Bu kitabda mən öz soyköküm barədə, Saut-Sayddan gələn qızcığazın Çikaqoda özünü tapmasından, digərlərini ruhlandırmaqdan ötrü necə güc toplamasından danışıram. Ümidvaram ki, ömür yolumun tarixçəsi oxucuları həyatda özlərini tapmaq üçün cəsarətli olmağa ruhlandıracaq. Mən həyat tarixçəmi bölüşməyi səbirsizliklə gözləyirəm”.
“Crown Publishing Group” Amerika nəşriyyat evi bildirib ki, kağız kitabın qiyməti 32,5 dollar, elektron versiyası isə 15 dollardır. Mişel Obama xatirələrinin nəşrindən əvvəl Birləşmiş Ştatlara və digər ölkələrə yaradıcılıq turuna gedəcək, gələcək oxucularına kitab üzərində işləməyi barədə danışacaq.
Bütün xəbərlər Facebook səhifəmizdə
USD
EUR
GBP
RUB