Microsoft korporasiyası yeni Windows əməliyyat sisteminin (ƏS) təxmini buraxılma tarixini açıqlayıb. SİA-nın məlumatına görə, belə ki, yeni Windows 8 2012-ci ilin sonunda buraxılacaq və hazırkı Windows 7 stolüstü əməliyyat sisteminin hüquqi varisi olacaq.
8-ci versiyanın təxmini buraxılma tarixi barədə elan edən şirkət bununla yanaşı əməliyyat sistemi barədə heç bir əlavə məlumat təqdim etməyib. Qeyri-rəsmi məlumatlara əsasən, Windows 8-də Microsoft ƏS-nin yüklənmə sürətini yüksəltmək, sistemin gözləmə rejimdən çıxma vaxtını azaltmaq, enerji sərfiyyatı effektivliyini artırmaq, eləcə də personal kompyuter istehsalçılarına, öz kompyuterlərini əvvəlcədən qurulmuş Windows 8 ƏS ilə daha keyfiyyətli uyğunlaşdırmaq imkanı verən yeni alətlər təqdim etməyi düşünür.
Həmçinin qeyri-rəsmi xəbərlərə görə, Microsoft 8-ci versiya üçün Apple App Store kimi proqramlar mağazasının analoqunu yaratmağı planlaşdırır.
Bütün xəbərlər Facebook səhifəmizdə
USD
EUR
GBP
RUB