Heç kəsə sirr deyil ki, müasir tibb, xüsusilə cərrahiyyə inanılmaz nailiyyətlər əldə edib. Həkimlər bəzən ən heyrətləndirici əməliyyatları da həyata keçirirlər. Lakin Avstraliyada baş verən hadisə tam fərqlidir.
SİA-nın xarici mətbuata istinadən verdiyi məlumata görə, cərrahlar 16 aylıq oğlanı həyata qaytarmağa müvəffəq olublar - faciə nəticəsində bədəndən qopmuş başı yerinə bərpa ediblər. Melburndan olan Rayli Teylor öz avtomobilində arxa oturacaqdakı uşaqları: doqquzyaşlı qızı Şeyn və kiçik oğlu təxminən yaşyarımlıq oğlu Ceksonla birlikdə hərəkət edərkən qəfildən yol ayrıcında onlara tərəf digər avtomobil hərəkət etməyə başlayıb. Toqquşmadan yayınmaq mümkün olmayıb.
Müasir avtomobillərdə təhlükəsizliyə olduqca böyük əhəmiyyət verildiyindən ana və qızı, demək olar, heç bir xəsarət almayıb, lakin körpə Ceksonun bəxti bir o qədər də gətirməyib; onun boynu qırılıb, başı isə qırılmış gəlinciyin başı tək həyatsız vəziyyətdə sallanıb.
Oğlanın uşaq oturacağına bərkidilməsinə baxmayaraq, oturacaq belə bir qəza üçün hesablanmayıb. Zərbə anında onun başı kəskin qalxıb və boyun nahiyəsindən əyilib. Bu səbəbdən kəlləni onurğaya bağlayan bitişdirici toxumalar tam şəkildə qopub.
Nəticədə oğlan daxildən başsız qalıb.
Əməliyyatı həyata keçirən həkim Ceff Askin isə açıq şəkildə xəbərdarlıq edib ki, hətta əməliyyat uğurla keçəcəyi halda, Ceksonun iflic qalması üçün böyük risk var.
Lakin görünür, Ceff Askini boş yerə "Onurğa cərrahiyyəsinin xaç atası" adlandırmırlarmış; Altı saat davam edən əməliyyat uğurla keçib və hazırda oğlanın sağlamlığı üçün heç bir təhlükə yoxdur.
Uşağın başını xüsusi metal qurğu ilə etibarlı şəkildə qabırğalara bərkidiblər. Səkkiz həftədən sonra bu konstruksiya götürüləcək. Lakin Cekson artıq indidən sağlam və xoşbəxt görünür. Valideynləri bu dəhşətli qəzanı qorxulu yuxu kimi xatırlayırlar. Onlar əsl möcüzə törədən və övladlarını xilas edən həkim Askinə sonsuz təşəkkürlərini ifadə edirlər.
Bütün xəbərlər Facebook səhifəmizdə
USD
EUR
GBP
RUB