Ən böyük video kanalı olan Youtube ənənəvi olaraq 2014-cü ilin ən çox izlənən 10 videorolikinin adını açıqlayıb. SİA-nın verdiyi xəbərə görə, hörümçək görünüşlü itin insanlara "hücum" edərək onları qorxuya salan video zarafatı daha çox istifadəçinin marağına səbəb olaraq ilk yerdə qərarlaşıb. Video 3 ay ərzində 113 milyondan çox baxış qazanıb.
Winner Stays. ft. Ronaldo, Neymar Jr., Rooney, Ibrahimović, Iniesta və digər məşhur futbolçuların iştirakı ilə Nike Football reklam roliki top onluğun ikinci pilləsində yer alıb.
İlk üçlüyü açan FIRST KISS adlanan təcrübə xarakterli video olub. Müəlliflər rolikdə 20 bir-birini tanımayan insanın öpüşmə anını lentə alıblar.
"The Voice" mahnı yarışmasının İtaliya versiyasında çıxış edən 25 yaşlı rahibə Suor Cristina Scuccianın ifası ən çox izlənən videolar sırasında dördüncüdür.
Apple şirkəti iPhone 6 Plus model telefonları satışa çıxaranda insanların daha çox marağına onun əyilə bilmə funksiyası səbəb olmuşdu. Beləliklə, iPhone 6 Plus Bend Test videoçarxı Youtube kanalında izlənmə sayına görə 5-ci yerə qərarlaşıb.
Ən çox izlənilənlərin altıncısı 57 milyon baxış sayı ilə digər yarışması şousu Britain's Got Talent videosu olub.
Daha bir reklam roliki - Budweiser Super Bowl XLVIII Commercial Youtube kanalının onluğuna daxil olub. İtlə atın dostluğunu əks etdirən video 7-ci pillədədir.
Hörümçək görünüşlü itin vieosu ilə yanaşı digər bir qorxulu küçə zarafatı ən çox izlənilənlərin onluğundadır.
9-cu yerdə olan Goku və Supermanin rep deyişməsi izləyicilərin ən çox izlədiyi videolardandır.
Nəhayət, onluğun onuncusu - 10 saat Nyu York küçələrini gəzən bir qızın Youtube kanalına yüklədiyi video da geniş istifadəçi marağına səbəb olub.
Bütün xəbərlər Facebook səhifəmizdə
USD
EUR
GBP
RUB