Nyu-Yorkda yaşayan mühacirlərin sayı rekord səviyyəyə çatıb. SİA xarici mətbuata istinadən xəbər verir ki, bu barədə məlumat yayan Nyu York Bələdiyyəsi bildirib ki, şəhərdəki immiqrantların sayı ilk dəfə 3 milyonu keçib. Şəhərdə yaşayan immiqrantlar içində isə Dominik Respublikasından gələnlər üstünlük təşkil edir.
Bələdiyyə tərəfindən hazırlanan hesabata əsasən 2013-cü ildə Dominik Respublikasından Nyu Yorka gələnlərin sayı 180 min artaraq 380 minə çatıb. Hesabatda 2-ci yeri 350 min immiqrantla Çin, 3-cü yeri isə 300 min immiqrantla Meksika əsllilər tutub. Hesablamalara əsasən, immiqrantların Nyu Yorka artımı bu templə davam edərsə 5 il sonra şəhərdə ən izdihamlı immiqrant qrupunu çinlilər təşkil edəcək.
Qeyd edək ki, son statistikaya görə, hazırda sözügedən şəhərdə əhalinin sayı 9 milyondur.
Bütün xəbərlər Facebook səhifəmizdə
USD
EUR
GBP
RUB