Massaçusetsdə nəşr olunmuş zəbur surələri kitabı (Bay Psalm Book) Nyu-Yorkda, Sotheby’s auksionunun hərracında kitablar üçün dünya rekordu sayılan qiymətə satılıb.
Bu barədə məlumat hərracın rəsmi saytında noyabrın 27-nə keçən gecə dərc edilib.
Adı bildirilməyən alıcı "Bay Psalm Book" kitabına rekord məbləğ – 14 milyon 165 min dollar ödəməyə razılaşıb. Lotun estimeyti 15-30 milyon dollar həddində müəyyən edilmişdi.
1640-cı ildə Britaniyadan Amerikaya köçmüş sakinlər tərəfindən Amerikanın Kembric şəhərində nəşr edilmiş (Bay Psalm Book) ABŞ-da mətbəə üsulu ilə çap olunmuş ilk kitab sayılır.
Nəşrin özünəməxsusluğu ondan ibarətdir ki, burada ivrit dilində yazılmış mətnlərin hazır variantlarının mövcud olmasına baxmayaraq kolonistlərin özlərinin tərcüməsi verilib.
1638-ci ildə Kembricdə açılmış mətbəədə bu kitabın 1700 nüsxəsi çap edilib. Hazırda onlardan yalnız 11 ədədi qalıb. Hərracda satılmış nüsxə Bostondakı Old-Saut kilsəsinə (Old South Church) məxsus idi.
Kitabda çoxlu mətbəə xətaları və tərcümə qüsurları olmasına baxmayaraq o, ABŞ-ın milli identikliyinin rəmzi kimi müstəsna əhəmiyyət kəsb edir.
İndiyə qədər ən bahalı mətbu nəşr "Amerikanın quşları" kitabı sayılırdı. Çon Ceyms Odübonun illüstrasiyalar çəkdiyi həmin kitab 2010-cu ildə Azərbaycan Respublikasının milyon dollara satılıb.
Bütün xəbərlər Facebook səhifəmizdə
USD
EUR
GBP
RUB