Bildiyimiz kimi əksər insanlar üçün zəngli saat güclü qıcıqlandırıcı amildir. ABŞ-ın Ceffri Tomson Neyroakustik Araşdırmalar Mərkəzinin alimləri bunu dəyişməyi qərara alıblar. SİA-nın məlumatına görə, onların əməyi nəticəsi "Tranquil Moments" zəngli saatı icad olunub. İstehsalçıların sözlərinə görə, bu saat insanın tez yuxuya getməsinə kömək edir və yuxunun keyfiyyətini yaxşılaşdırır.
Sirr ondan ibarətdir ki, zəngli saat öz arsenalında alfa, delta və teta beyin dalğalarına təsir edən proqrama malikdir. Həmin dalğalar yuxunun fazaları dəyişdikdə bir-birini əvəz edir. Belə ki, beyin dalğalarına edilən təsir gərgin iş günündən sonra rahatlamağa imkan verir. Saat yuxuya getmə prosesini sürətləndirən və 16 melodiya çalır. Musiqi ya bütün gecə boyu səslənə, ya da 30 dəqiqə ərzində tədricən kəsilə bilər. Zəngli saata qulaqcıqlar qoşulur ki, bu da qonşularla problemin yaranmayacağına şərait yaradır.
Qeyd edək ki, bu saat könüllülər üzərində artıq uğurla sınaqdan keçirilib və onun stressin səviyyəsini həqiqətən azaltdığı sübut edilib. Xüsusilə bu, istehsalçıların zəngli saatın klassik siqnallarından imtina etməsi hesabına mümkün olub. Bu siqnalları təbiətdən gələn səslər əvəz edib. Habelə, saatın oyatma möhlətinin 30, 60 və 90 dəqiqəlik funksiyaları var. O qədər də baha olmayan (200 dollar həcmində) qurğu hələlik yalnız ABŞ-ın onlayn-mağazalarında satılır.
Bütün xəbərlər Facebook səhifəmizdə
USD
EUR
GBP
RUB