Mütəmadi qar uçqunlarının baş verdiyi Quba-Xınalıq yolunda yenidən fəsadlar yaranıb. SİA-nın Şimal bürosunun verdiyi xəbərə görə, ötən gecədən başlayaraq güclü küləklə müşahidə olunan qar bu gün səhər saatlarından Quba-Xınalıq yolunun təxminən 20-22-ci km-dən, 41-ci km-dək bağlayıb.
6 saylı yol istismar idarəsinin işçiləri yolun müəyyən hissəsinin açılmasını təmin etsələr də 36-ci km-də yol açılmayıb.
Məlumat üçün bildirək ki, Quba 6 saylı yol istismar idarəsinin iş icraçısı Əfqan Güləliyevin dediyinə görə, idarənin iki ağır texnikası və canlı işçi qüvvəsi yolun açılmasına cəlb edilib. O bu ərazidə yenidən qar uçqunlarının baş verməsini istisna etmir.
Quba ərazi hidrometrologiya məssisəsindən aldığımız məlumata görə, bu gün səhər Xınalıq kəndində 50 sm-dən artıq qar, 11 dərəcə şaxta müşahidə olunub. Verilən son məlumata görə, Quba-Xınalıq yolunun açılması bu saatlarda qismən təmin olunub.
Qeyd edək ki, günün sonunadək yol qardan təmizlənəcək.
Emin Kərimov
Bütün xəbərlər Facebook səhifəmizdə
USD
EUR
GBP
RUB