Dünyanın 65 ən yaxşı oteli- FOTOSESSİYA

30 İyul 2011 11:44 | 1 123

Amerikanın nüfuzlu "Conde Nast Traveller" jurnalının əməkdaşları dünyanın 30 ölkəsinin 65 ən yaxşı otelinin siyahısını hazırlayıblar. SİA-nın xarici mətbuata istinadən verdiyi məlumata görə, siyahıya Avropanın 23 mehmanxanası daxil edilib. Bunların 5-i İtaliyada yerləşir.

İtaliyanın ən yaxşı oteli ötən ilin may ayında açılan "Borgo Egnazia" Adriatik dənizinin sahillərində yerləşir. Burada ikinəfərlik otaqda qalmaq üçün qiymətlər günlük 215 avrodan başlanır. İkinci məsləhətli İtaliya oteli "Capri Tiberio Palace" Kapri adasında yerləşir. Burada ziyarətçilər portağal qarışıq məhluldan – spadan istifadə edə bilərlər.

Üçüncü və dördüncü yerləri Florensiyanın "Grand Hotel Villa Cora" və Siciliyanın "Metropole Taormina" otelləri, beçinci yeri isə Toskanadakı "Principe Forte Dei Marmi" tutub. Sonuncu oteldə gecələmək 450 avroya başa gəlir.

Siyahıda otellərinin sayına görə ikinci yeri Fransa tutur. Bura Parisin "Seven Hotel"i (ikiadamlıq otaq – 167 avro), "Le Royal Monceau Raffles" (gecələmək – 780 avro), "Shangri-La Hotel" (150 avro) daxildir. Dördüncü – sonuncu yeri isə mavi sahildə yerləşən "Muse Ramatuelle" turur.

Siyahıya Britaniyanın üç oteli daxil edilib. Berkşirdəki "Coworth Park" polo oynamağı sevənlər üçün mövsüm zamanı – aprel-sentyabr aylarında xüsusilə məsləhətlidir. Londondakı "The Savoy" və "W London Leicester Square" isə ilin istənilən vaxtında qonaqları qarşılamağa hazırdır.

Türkiyənin 2 oteli siyahıda

Yunanıstan Peloponnesdəki "Kinsterna Hotel & Spa" və "The Romanos", Türkiyə isə İstanbuldakı "The House Hotel Nişantaşı" və "Pera Palace Hotel"lə fərqlənib. Sonuncu otelin ötən il əsaslı təmirinə 23 milyon avro xərclənib.

Moskva isə keçmiş "Ukrayna", indiki "Radisson Royal Hotel"lə fərqlənib. Buradan Moskva çayına gözəl mənzərə açılır.

Dünyanın ən yaxşı otelləri:

· Borgo Egnazia

· Capri Tiberio Palace

· Grand Hotel Villa Cora

· Metropole Taormina

· Principe Forte Dei Marmi

· Seven Hotel

· Le Royal Monceau Raffles

· Shangri-La Hotel

· Muse Ramatuelle

· Coworth Park