...Bir sıra yapon restoran şəbəkələrinə sahib olan “Zensho Holdings”-in səhmlərinin qiyməti kəskin şəkildə aşağı düşüb. Belə ki, əvvəlki illik 25 faiz artıma baxmayaraq, hazırda qiymətlər aşağı düşməkdədir.
SİA yerli analitiklərə istinadən şirkətin siçovul hadisəsinə məhəl qoymayacağını bildirir.
Deməli, martın 24-də Sukiya restoranlar şəbəkəsi ilə tanınan “Zensho Holdings”-in səhmləri 7,1 faiz ucuzlaşıb.
Dağılmaya restoranın müştərisinə satılan miso şorbasında ölü siçovulun tapılması səbəb olub.
“South China Morning Post” sosial mediada geniş yayılan şorbanın fotosunu da dərc edib.
Martın 22-də Sukiya hadisəni təsdiqləyib və bunu müştərilər arasında narahatlıq yaratdığını etiraf edərək, bu barədə məlumat verməkdə gecikməyə görə üzr istəyib.
Şirkət rəsmiləri hadisənin yanvarın 21-də Tottori şəhərindəki filialda baş verdiyini bildirib və müəssisələrində sanitar tədbirləri gücləndirdiklərini bildiriblər.
Qeyd edək ki, Sukiya Yaponiyada 2000-ə yaxın satış nöqtəsi olan məşhur restoranlar şəbəkəsidir.
Menyu klassik yapon yeməyi olan gyudona əsaslanır: soğanlı mal əti, şirin sousda bişirilir və düyüdə verilir.
“Zensho Holdings” 15-dən çox restoran brendini idarə edir. Bunlara suşi, burger, udon, Meksika mətbəxi, makaron, biftek və qəhvə mağazası təklif edən müəssisələr daxildir.
Son bir il ərzində “Zensho Holdings” səhmləri 24,72 faiz artım nümayiş etdirib.
…“Iwai Cosmo Securities”-in analitiki Shoichi Arisawa, siçovul hadisəsinin “Zensho Holdings”-in səhm qiymətinə uzunmüddətli təsirinin müştəri axınının azalıb-azalmamasından asılı olacağını söyləyib.
Əli Babayev
Bütün xəbərlər Facebook səhifəmizdə
USD
EUR
GBP
RUB