Naxçıvan Muxtar Respublikası Səhiyyə Nazirliyi əhalinin sağlamlığının qorunması və tibbi xidmətin səviyyəsinin yüksəldilməsi istiqamətində fəaliyyətini aprel ayında da davam etdirib, ixtisaslı kadrların hazırlanması, yoluxucu xəstəliklərin profilaktikası, ilkin səhiyyə xidmətinin yeni tələblərə uyğunlaşdırılması diqqət mərkəzində saxlanılıb.
Naxçıvan Muxtar Respublikası Səhiyyə Nazirliyinin mətbuat xidmətindən azərtac-a bildirilib ki, akademik Mustafa Topçubaşov adına Elmi Cərrahiyyə Mərkəzinin tərkibində olan uşaq ürək cərrahiyyə şöbəsinin invaziv uşaq kardioloqu Elnur İmanov Naxçıvan Diaqnostika-Müalicə Mərkəzində 38 nəfərdə EXO müayinəsi aparıb. Diaqnostika-Müalicə Mərkəzinin həkim briqadası Culfa Rayon Mərkəzi Xəstəxanasında olub, 75 nəfərdə müayinələr, 63 nəfərdə müxtəlif cərrahiyyə əməliyyatları həyata keçirib. Naxçıvan Muxtar Respublikasının təhsil müəssisələrində şagirdlərin kütləvi müayinəsi başa çatıb. 40 min 349 nəfərdə müayinə aparılıb, 5 min 887 nəfər dispanser qeydiyyata alınıb.
Muxtar respublika ərazisində yoluxucu xəstəliklərə görə epidemioloji vəziyyət sabit olub, xüsusi təhlükəli infeksiyalar qeydə alınmayıb. Hepatit virusları ilə yoluxmanın qarşısının alınması məqsədilə Naxçıvan Muxtar Respublikası Gigiyena və Epidemiologiya Mərkəzinin əməkdaşları tərəfindən dezinfeksiya tədbirlərinə görə monitorinq aparılıb və müvafiq tədbirlər görülüb.
Naxçıvan Muxtar Respublikası Səhiyyə Nazirliyi irsi qan xəstəliklərindən əziyyət çəkən və qan köçürülməsinə ehtiyacı olan digər xəstələrin müalicəsində istifadə olunmaq üçün könüllü qanvermə aksiyalarının təşkilini davam etdirib. 17 aprel – Hemofiliya Günü münasibətilə Naxçıvan Diaqnostika-Müalicə Mərkəzində Naxçıvan Muxtar Respublikası Ədliyyə Nazirliyi işçiləri tərəfindən qanvermə aksiyası keçirilib, hemofiliya və talassemiyalı xəstələrə köçürmək üçün 18 nəfərdən 9,5 litr qan tədarük olunub.
Muxtar respublikanın səhiyyə sistemində kadrların bilik və bacarıqlarının artırılması vacib məsələ kimi diqqət mərkəzində saxlanılıb. Aprel ayında orta tibb işçilərinin sertifikasiya imtahanı keçirilib, imtahanda 111 orta tibb işçisi iştirak edib, 69 nəfər uğurlu nəticə göstərib. İxtisaslı kadrların hazırlanması və beynəlxalq elmi əlaqələrin genişləndirilməsi məqsədilə Naxçıvan Tibb Kollecinin 12 nəfərdən ibarət müəllim və tələbə heyəti Ankarada Halide Edip Mesleki və Teknik Anadolu Liseyində bir aylıq təcrübə kursuna göndərilib.
Mənşəyi bəlli olmayan dərman preparatlarının qanunsuz gətirilməsinin və satışının qarşısının alınması məqsədilə Səhiyyə Nazirliyində Dövlət Təhlükəsizliyi Xidməti və Dövlət Gömrük Komitəsi ilə birgə maarifləndirici seminar təşkil olunub.
Bütün xəbərlər Facebook səhifəmizdə
.jpg)
.jpg)
.jpg)
USD
EUR
GBP
RUB