Xəbər verdiyimiz kimi 19 may tarixində Bakı şəhəri, Binəqədi rayonunda Azadlıq 170 ünvanındakı yaşayış binasında dəhşətli yanğın hadisəsi baş vermişdi. Yanğın zamanı xəsarət alanlar haqda SİA-ya Səhiyyə Nazirliyinin mətbuat xidmətinin rəhbəri Liya Bayramova məlumat verib. Bildirib ki, hazırda stasionarda 14 xəsarət alanın müalicəsi davam etdirilir, vəziyyətləri kafidir: "Xəsarət alanlara klinikalarda hərtərəfli ixtisaslaşdırılmış tibbi yardım göstərilib, tam həcmdə lazımi dərman preparatları və sarğı materialları ilə təmin olunublar. Onlardan 12 nəfər toksikologiya şöbəsində, 2 nəfər isə 6 saylı BŞX-na və Yanıq şöbəsinə yerləşdirilib. Onu da xüsusilə diqqətinizə çatdırım ki, toksikologiya şöbəsindən artıq 2 nəfər evə buraxılıb".
Qeyd edək ki, ümumilikdə xəsarət alanların sayı 50 nəfərdir. Aldıqları müxtəlif bədən xəsarətlərindən 15 nəfər dünyasını dəyişib.
Bütün xəbərlər Facebook səhifəmizdə
.jpg)
.jpg)
.jpg)
USD
EUR
GBP
RUB