Azərbaycan Respublikası Mərkəzi Bankının maliyyə yardımı ilə Biləsuvarda tikilmiş ikimərtəbəli xəstəxana binası səhiyyə Nazirliyinin balansına verilib. Nazirliyin mətbuat xidmətindən SİA-ya verilən məlumata görə, tikiliş və dizaynına görə seçilən bu möhtəşəm yeni klinikanın Səhiyyə Nazirliyinin balansına verilməsi yerli əhali üçün böyük hədiyyə kimi qiymətləndirilib. Belə ki, 2013-cü ilin sentyabr ayından Biləsuvar Rayon Mərkəzi Xəstəxanası təmirə bağlandığından rayon əhalisi müəyyən çətinliklərlə üzləşirdilər. Bu da öz növbəsində müəyyən vaxt itkisinə səbəb olurdu.
Qısa vaxt ərzində Səhiyyə nazirliyi xəstəxananı müasir tələblərə cavab verən lazımi tibbi avadanlıq və ləvazimatlarla tam təmin edib. Hazırda hər cür müasir tibb avadanlıqlarla təchiz edilmiş 38 çarpayılıq yeni xəstəxana rayon sakinlərinin tələbatını ödəyir. Xəstəxanada uşaq poliklinikası, uşaq stasionar və doğum şöbələri fəaliyyət göstərir.
Bütün xəbərlər Facebook səhifəmizdə
.jpg)
.jpg)
.jpg)
USD
EUR
GBP
RUB