Bakı-Qazax yolunun 86-cı km-də Hacıqabul rayonunun Qızılburun kəndi ərazisində 2 nəfərin ölümü ilə nəticələnən ağır yol nəqliyyat hadisəsi baş verib. BDYP-nın 7-ci tağımın inspektoru baş leytenant Üzeyir Abdullayevin SİA-nın bölgə müxbirinə verdiyi məlumata görə, Hacıqabul rayonundan Bakı istiqamətinə hərəkət edən VAZ 2107 markalı jiquli yolun orta zolağındakı beton hissəyə çırpılıb. Maşında olan 5 nəfərdən biri Mahmudov Hakim Şimşət oğlu hadisə yerində dünyasını dəyişib. Digər 4 nəfər isə Şirvan şəhər mərkəzi xəstəxanasına göndərilib.
Xəstəxananın həkimi Famil Yusifovdan aldığımız məlumata əsasən daxil olmuş 4 yaralıdan biri 1980-ci il təvəllüdlü Məmmədov Şahinin həyatını xilas etmək mümükün olmayıb. Digər 3 nəfər, 1981-ci il təvəllüdlü Qəhrəmanov Asif Bəykişi oğlu, 1960-cı il təvəllüdlü Hüseynov Akif Əmir oğlu və 1976-cı il təvəllüdlü Hüseynov Rövşən Oqtay oğlu müxtəlif bədən xəsarətləri alıblar. Hazırda vəziyyətləri qənaətbəxşdir.
Məlumat üçün bildirək ki, qəzaya uğramış maşın tam yararsız vəziyyətə düşüb.
Bütün xəbərlər Facebook səhifəmizdə
USD
EUR
GBP
RUB
