İyunun 28-si saat 11 radələrində Gəncə şəhəri Nəriman Nərimanov prospektində yerləşən iaşə obyektlərinin birində 1986-cı il təvəllüdlü Kamil Cəfərovun kəsici-deşici xəsarətlərdən ölməsi barədə şəhər prokurorluğuna məlumat daxil olub. Gəncə Şəhər Prokurorluğundan SİA-ya bildiriblər ki, prokurorluq əməkdaşları tərəfindən hadisə yeri və meyit müayinə olunub, digər prosessual hərəkətlər aparılır.
Faktla bağlı Azərbaycan Respublikası Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanıb. Cinayət əməlini törətməkdə şübhəli bilinən şəxsin məsuliyyətə cəlb olunması istiqamətində zəruri tədbirlər davam etdirilir.
Nəticəsi barədə əlavə məlumat veriləcək.
Bütün xəbərlər Facebook səhifəmizdə
USD
EUR
GBP
RUB