Almaniyada fəaliyyət göstərən Azərbaycanlı Tələbələr və Elmi İşçilər Birliyinin (ATEİB) Bad Şandau şəhərində 3 günlük forumu təşkil olunacaq. Bu barədə SİA-ya ATEİB-in sədri Samir Əsgər məlumat verib. ASE Express Deutschland GmbH və Granata GmbH & Co. KG-nin maliyyə dəstəyi ilə baş tutacaq forum 27-29 may tarixlərində keçiriləcək. "ATEİB-Gələcək İnkişaf" adı ilə keçirilən bu forumun ilk gününün əsas mövzusu Almaniyada təhsil alan tələbələrin təşkilatlanmasının zəruriyyəti, indiyə qədərki işlərin həllində ATEİB-nin rolu haqqında Dr. Rezo Əliyevin, Dr. Qurban Ələkbərovun və Samir Əsgərin çıxışları olacaq.
Forumun ikinci günündə iştirakçılar İdarə Heyətinin (İH) hesabatını dinlədikdən sonra onu istefa edəcək və yenidən seçkilər keçirərək İH-ni formalaşdıracaq. Bundan başqa, ATEİB hazırkı sədri Samir Əsgərin \"ATEİB-nin inkişafında Open Space-nin rolu\" mövzusunda çıxışı və gələcək inkişaf yolları müzakirə olunacaq. Günün ikinci yarısında Almaniyanın qoruq ərazisi olan Zeksişe Şvaytsa gəzinti təşkili və sona doğru isə Azərbaycan Xalq Cümhuriyyətinin yaranması ilə bağlı müzakirələr olacaq. Burada ADR-in banisi M.Ə.Rəsulzadə və onun silahdaşları haqqında forum iştirakçılarına ətraflı məlumat veriləcək, tariximizin bu şanlı səhifəsi ilə bağlı fikir mübadiləsi aparılacaq. Axşama doğru isə 28 May bayramı şənlik formasında davam etdiriləcək.
Bütün xəbərlər Facebook səhifəmizdə
USD
EUR
GBP
RUB
