Hər il olduğu kimi bu ildə mayın 31-də bütün ümumtəhsil məktəblərində "Son zəng" çalınacaq. Uzun illərdir ki, Azərbaycan orta ümumtəhsil məktəblərində təntənəli şəkildə qeyd edilən \"son zəng\" tədbirlərinə müəyyən məhdudiyyətlər qoyulub. Əvvəllər son dərs günü - mayın 25-i məzunlar üçün bayrama çevrilirdi. Məktəblərdə xüsusi mərasimlər təşkil olunur, ziyafətlər verilir, məzunlar şəhərə, Bakı məktəbliləri xüsusən Dənizkənarı Milli Parka çıxıb əylənirdilər. Lakin hər kəsin yaddaşında silinməz iz qoyan \"son zəng\" mərasiminin ötən il aprelin 30-da Neft Akademiyasında baş verən qanlı olayla bağlı keçən il təntənəli keçirilməsinə qadağa qoyulmuşdu. Buna görə də hər il 31 may ərəfəsində müxətlif suallar ortaya çıxır. Bu il orta məktəbləri nə qədər məzun bitirəcək?, "Son zəng" tədbirləri hansı səviyyədə təşkil olunacaq və sairə. Bu və ya digər məsələlərə aydınlıq gətirmək üçün bəzi müvafiq strukturlarla əlaqə saxladıq.
Təhsil Nazirliyinin mətbuat xidmətindən SİA-ya verilən xəbərə görə, bu il Azərbaycanda orta məktəblərin XI sinfini 100 min 165 nəfər bitirəcək. Cari il orta məktəblərin IX sinfini 145 484 nəfərin bitirəcəyini nəzərdə tutulur. 2011/2012-ci tədris ilində Azərbaycanın orta məktəblərinin I sinfinə 120 minə yaxın uşağın qəbul ediləcəyi gözlənilir.
Təhsil naziri "Ümumtəhsil məktəblərində "Son zəng" tədbirinin keçirilməsi haqqında" əmr imzalayıb. Əmrdə qeyd olunur ki, "Son zəng" tədbiri mayın 31-də saat 10:00-dan başlayaraq üç saat müddətində yalnız təhsil müəssisələrinin ərazisində keçiriləcək. Əmrdə ölkəmizin ümumtəhsil məktəblərində təşkil olunan "Son zəng" tədbirində valideyn komitələri, valideyn-müəllim assosiasiyaları və ictimaiyyət nümayəndələrinin iştirakının təmin edilməsi nəzərdə tutulub. Eyni zamanda əmrdə Naxçıvan Muxtar Respublikası Təhsil Nazirliyi, Bakı Şəhəri üzrə Təhsil İdarəsi, Gəncə Şəhər Təhsil İdarəsi, rayon (şəhər) təhsil şöbələrinə "Son zəng"in məzmunlu keçirilməsi ilə bağlı təşkilati işlərin vaxtında başa çatdırılması, şagirdlərin təhlükəsizliyinin təmin edilməsi məqsədilə zəruri tədbirlərin görülməsinə dair tapşırıqlar verilib. "Son zəng" tədbirini məzunların həyatında yaddaqalan və əlamətdar hadisəyə çevirmək üçün valideynlərlə pedaqoji kollektivin birgə səmərəli fəaliyyətinə nail olunması da əmrdə nəzərdə tutulan məsələlərdəndir.
Bütün xəbərlər Facebook səhifəmizdə
USD
EUR
GBP
RUB