Mayın 22-də Tələbə Qəbulu üzrə Dövlət Komissiyası rus bölməsi abituriyentləri üçün "Azərbaycan dili" fənnindən imtahan keçirəcək. SİA-nın xəbərinə görə, bu barədə keçrdiyi mətbuat konfransında məlumat verən TQDK sədrinin müavini Namiq Babayev bildirib ki, imtahanlar Bakı, Naxçıvan, Gəncə, Sumqayıt, Lənkəran, Şəki və Quba şəhərlərində təşkil olunacaq. İmtahanda 10275 abituriyentin iştirakının nəzərdə tutulduğunu deyən N.Babayev vurğulayıb ki, onların Bakı şəhərində 7154, Naxçıvanda 32 , Gəncədə 1515, Sumqayıtda 531, Şəkidə 277, Lənkəranda 209, Qubada 557 nəfəri öz biliyini sınayacaq.
"Abituriyentlər "İmtahana buraxılış vərəqəsi"ni mayın
19-dan etibarən TQDK-nın internet saytına daxil olaraq çap edirlər. İmtahanın
idarə olunması üçün 75 imtahan rəhbəri, 747 nəzarətçi-müəllim cəlb olunur. "Azərbaycan
dili" fənni üzrə imtahanda "Elektron ərizə"lərini 17 may saat 14:00-a kimi təsdiq
etdirən rus bölməsinin abituriyentləri iştirak edəcəklər. Bundan sonra, öz "Elektron
ərizə"lərini təsdiq etdirən rus bölməsi abituriyentləri "Azərbaycan dili" fənni
üzrə iyunun 26-da keçiriləcək növbəti imtahanda iştirak edəcəklər. İmtahan 45 dəqiqə
ərzində aparılır və abituriyentlərə "Azərbaycan dili" fənnindən 30 test
tapşırığı təqdim edilir. Səhv cavablar düzgün cavabların nəticəsinə təsir göstərmir.
Abituriyentin "məqbul" alması üçün onun topladığı bal 15-dən az olmamalıdır. Abituriyentlər
imtahanın nəticələrini TQDK-nın internet saytından öyrənə biləcəklər. Mayın 22-də
keçirilən imtahanda "qeyri-məqbul" qiyməti alan abituriyentlər iyunun 26-da
keçiriləcək növbəti "Azərbaycan dili" imtahanında təkrarən iştirak edə bilərlər",
- deyə o əlavə edib.
Bütün xəbərlər Facebook səhifəmizdə
USD
EUR
GBP
RUB