Ali məktəblərdə yay imtahan sessiyasının iyun-iyul ayları ərzində həyata keçirilməsi nəzərdə tutulur. SİA-nın verdiyi məlumata görə, bunu Nazirlər Kabineti yanında Operativ Qərargahın keçirdiyi brifinqdə Təhsil naziri Ceyhun Bayramov deyib.
Onun sözlərinə görə, bu il ali məktəblərdə tədris ilinin uzadılması nəzərdə tutulmur: “Bir sıra ixtisaslar üzrə imtahanlar onlayn formatda olacaq. Bu mümkün olmadıqda ənənəvi qaydada imtahanlar təşki oluna bilər”.
Nazir əlavə edib ki, iyun-iyul aylarında imtahan sessiyasında hazır olmayan tələbələr bu barədə ali məktəbləri məlumatlandırmalıdırlar. Belə tələbələr üçün tədris ili öncəsi ayrıca imtahan sessiyası təşkil olunacaq.
Müəllif: Nigar Məmmədova
Bütün xəbərlər Facebook səhifəmizdə
USD
EUR
GBP
RUB