ARDNŞ Sosial İnkişaf İdarəsinin nəzdində fəaliyyət göstərən Mərkəzi Neftçilər Xəstəxanasının həkimlərinin regionlarda tikilmiş Müalicə Diaqnostika Mərkəzlərinə ezam olunaraq unikal tibbi əməliyyat və müayinələr həyata keçirməsi bir ənənə halını alıb. ARDNŞ-dan SİA-ya verilən xəbərə görə, Novruz bayramı günlərində Mərkəzi Neftçilər Xəstəxanasının tibb personalı yenidən bu ənənəyə sadiq qaldıqlarını nümayiş etdirirlər.
Tibb elminin ən yeni nailiyyətlərinə əsaslanan nadir əməliyyatların keçirildiyi müalicə-sağlamlıq ocağına çevrilmiş Xəstəxananın həkim briqadası bu dəfə Şirvan bölgəsinin, o cümlədən Şamaxı, Ağsu, İsmayıllı, Qobustan və digər qonşu rayonların əhalisinə təmənnasız şəkildə tibbi xidmət göstərmək məqsədi ilə növbəti aksiyaya start verib.
Martın 16-dan 18-dək davam edəcək aksiyaya Şamaxıdan başlanılıb. MNX-nın yüksək ixtisaslı həkimlərindən ibarət səyyar briqadaları Şamaxı Müalicə Diaqnostika Mərkəzində cərrahi müdaxiləyə ehtiyacı olan vətəndaşlar üzərində uroloji, otorinolorinqoloji və baş-boyun cərrahiyyəsi əməliyyatları icra edəcəklər.
Artıq xəstələr Şamaxı MDM-də tam müayinədən keçirilmiş, onların diaqnozu dəqiqləşdirilib. Aksiya zamanı 10-dək xəstənin əməliyyat olunması nəzərdə tutulub.
Xatırladaq ki, bundan əvvəl MNX-nın həkimləri Şamaxı MDM-də təşkil olunan aksiyalar çərçivəsində bölgə əhalisi üzərində 7 açıq ürək və 30-dək göz əməliyyatı həyata keçiriblər.
Bütün xəbərlər Facebook səhifəmizdə
USD
EUR
GBP
RUB