İyulun 25-də müəllimlərin işə qəbulu müsabiqəsinin Azərbaycan dili və ədəbiyyatı üzrə test imtahanlarda 3 min 518 nəfər iştirak edib. Təhsil Nazirliyindən SİA-ya bildiriblər ki, namizədlər arasında ən yüksək nəticə olaraq 58 bal qeydə alınıb. İyulun 26-da keçirilən Azərbaycan dili, rus dili, rus dili və ədəbiyyatı, fransız dili və musiqi üzrə test imtahanlarında isə 3 min 493 namizədin iştirakı gözlənilir.
Azərbaycan Texniki Universitetinin İdman Kompleksində keçirilən imtahanlar iyulun 31-də başa çatacaq.
Qeyd edək ki, imtahanlarda namizədlərə ixtisaslarına uyğun olaraq ümumtəhsil məktəblərinin fənn proqramının məzmunu üzrə 40, metodika, təlim strategiyaları üzrə 10 və məntiq üzrə 10 sual olmaqla ümumilikdə 60 sualı cavablandırmaq üçün 90 dəqiqə vaxt verilir.
Bütün xəbərlər Facebook səhifəmizdə
USD
EUR
GBP
RUB