Respublikanın ümumtəhsil məktəblərinin IX-XI sinif şagirdlərinin “Ölkəmizi tanıyaq” devizi altında Vətənimizin müxtəlif bölgələrinə maarifləndirici tur-aksiyaların doqquzuncu turuna start verilib. SİA-nın məlumatına görə, Dövlət başçısı İlham Əliyevin tövsiyəsinə əsasən keçirilən tur-aksiyalar gözəl ənənə halını alıb.
Layihənin əsas məqsədi şagirdləri ölkəmizin müxtəlif bölgələrinin müasir həyatı, tarixi, mədəni irsi, adət-ənənələri, özünəməxsus xüsusiyyətləri, ümummilli lider Heydər Əliyevin qurub-yaratdığı müstəqil Azərbaycanın nailiyyətləri ilə yaxından tanış etmək, Prezident İlham Əliyevin qətiyyəti və iradəsi ilə respublikamızın dinamik sosial-iqtisadi inkişafı, gündən-günə abadlaşan şəhər və rayonlarımızın yeniləşən siması barədə gənclərdə əyani təsəvvür yaratmaqdır.
Martın 15-də tur-aksiyasının ”Astara-Quba-Qusar-Xaçmaz” marşrutunun iştirakçılarını yola salmaq üçün Astara Rayon İcra Hakimiyyətinin, təhsil şöbəsinin məsul işçiləri və valideynlər Heydər Əliyev Parkına toplaşmışdılar.
“Ölkəmizi tanıyaq” tur-aksiyanın iştirakçıları - Astara şəhər 1 saylı tam orta məktəbinin XI sinif şagirdi Taleh Həsənov, həmin məktəbin IX sinif şagirdi Nuray Həsənzadə və valideyn Maşxan kənd sakini Qəhrəman Rzayev çıxış edərək tur-aksiyanın məktəblilərin dünyagörüşünün formalaşmasında mühüm rol oynayacağını bildirib, Vətənimizi daha yaxından tanımaq üçün yaradılan şəraitə görə ölkə başçısı cənab İlham Əliyevə minnətdarlıqlarını ifadə ediblər.
Sərraf Talıbov
Bütün xəbərlər Facebook səhifəmizdə
USD
EUR
GBP
RUB