Dövlət İmtahan Mərkəzi (DİM) 27 iyul tarixində keçirilən qəbul imtahanında iştirak edən və I ixtisas qrupu üzrə xüsusi qabiliyyət tələb edən “Memarlıq” ixtisasına qəbul olmaq istəyən abituriyentlərə müraciət edib. DİM-dən SİA-ya verilən xəbərə görə, iyulun 27-də ali təhsil müəssisələrinə I ixtisas qrupu üzrə qəbul imtahanında iştirak edən və xüsusi qabiliyyət tələb edən “Memarlıq” ixtisası üzrə müsabiqə şərtlərini ödəyən abituriyentlər 28 və 29 iyul (saat 14:00-dək) tarixlərində Qabiliyyət İmtahanı Komissiyaları üzrə elektron qeydiyyatdan keçməlidirlər.
Abituriyentlər elektron qeydiyyatdan keçdikdən sonra “qabiliyyət imtahanına buraxılış vərəqəsi”ni çap edib vərəqədə qeyd olunan tarixdə qabiliyyət imtahanında iştirak etməlidirlər. Qabiliyyət imtahanından “məqbul” qiymət alan abituriyentlər ixtisas seçimi zamanı I qrupa aid olan digər ixtisaslarla yanaşı “Memarlıq” ixtisasını da seçə bilərlər.
Bütün xəbərlər Facebook səhifəmizdə
USD
EUR
GBP
RUB