Bu gün Bakı Şəhəri üzrə Təhsil İdarəsinin təşkilatçılığı ilə Avropa Komissiyasının TAİEX proqramı çərçivəsində "Formativ və Summativ Qiymətləndirmə" mövzusunda seminar işə başlayıb. SİA-nın xəbərinə görə, seminarda Bakı Şəhəri üzrə Təhsil İdarəsinin müdiri Məhəbbət Vəliyeva, BŞTİ-nin müvafiq struktur bölmə rəhbərləri, Azərbaycan Respublikası Təhsil İnstitutunun direktoru Emin Əmirullayev, İngiltərə və Finlandiyadan olan təhsil ekspertləri Koivula Pirjo, Koivosto Merja, Mark Frazer, paytaxtın ümumi təhsil müəssisələrinin direktorları və müəllimlər iştirak edir. İki günlük seminarın keçirilməsində məqsəd təhsil sahəsində beynəlxalq əlaqələri genişləndirmək və qarşılıq əməkdaşlıq çərçivəsində ümumi təhsilin inkişafını daha da sürətləndirməkdən ibarətdir.
Bütün xəbərlər Facebook səhifəmizdə
USD
EUR
GBP
RUB