Yanvarın 25-də Azərbaycan Dövlət Neft və Sənaye Universitetində (ADNSU) Elmi Şuranın iclası keçirilib. Universitetdən SİA-ya verilən xəbərə görə, iclası açıq elan edən ADNSU-nun rektoru, professor Mustafa Babanlı gündəmdə duran məsələlərə keçməzdən əvvəl universitetin "Cihazqayırma" kafedrasında professor-məsləhətçi vəzifəsini tutan Nadir Fərzanəni 90 illik, AMEA-nın həqiqi üzvü, "Geofizika" kafedrasında professor-məsləhətçi vəzifəsini tutan Pərviz Məmədovun 80 illik və "Neft-kimya texnologiyası və sənaye ekologiyası" kafedrasında professor-məsləhətçi vəzifəsində çalışan Çingiz İbrahimovu 80 illik yubileyi münasibətilə təbrik edib.
İclasda tədris işləri üzrə prorektor, dosent Qasım Məmmədov ADNSU-da 2016/2017-ci tədris ilində qış imthan sessiyasının gedişatı barədə Elmi Şura üzvlərinə geniş məlumat verib.
Qaz-neft mədən fakültəsinin dekanı, professor Qafar İsmayılov illik hesabat verərək fakültədə son bir ildə həyata keçirilən yenilikləri Şura üzvlərinin diqqətinə çatdırıb.
ADNSU rektorunun müşaviri Ziya Əliyev "ADNSU-nun professor-müəllim heyətinə veriləcək əlavə maaşların hesablanması üçün təlimat"ın genişləndirilmiş, detallaşdırılmış, düzəlişlər edilmiş yeni versiyasını təqdim edib.
Elmi Şuranın iclasında həmçinin 2016/2017-ci tədris ilində doktoranturaya qəbulun nəticələri və 2017/2018-ci tədris ili üçün qəbula hazırlıq və proqnozlar, "Gündəlik təcrübə" layihəsinin hazırlanması üçün işçi qrupunun yaradılması və s. məsələlər müzakirə olunub.
.jpg)
.jpg)
.jpg)
Bütün xəbərlər Facebook səhifəmizdə
USD
EUR
GBP
RUB