Tələbə Qəbulu üzrə Dövlət Komissiyası (TQDK) yanvarın 23-də növbəti SAT imtahanını keçirəcək. TQDK-dan bildiriblər ki, imtahan saat 8.30-da Komissiyanın Yasamal rayonu, Mikayıl Müşfiq küçəsi, 1M ünvanında yerləşən inzibati binasında təşkil olunacaq. İmtahanın müddəti 3 saat 45 dəqiqədir (fasilələrsiz). İmtahanda iştirak edəcək şəxslər saat 7.45-dək imtahan binasında olmalıdırlar. Gecikənlər imtahan zalına buraxılmayacaqlar.
İmtahanın nəticələri fevralın 11-də imtahan verənlərin "College Board"-un internet səhifəsindəki şəxsi hesabında açıqlanacaq.
Xatırladaq ki, bu imtahanın nəticəsi köhnə bal şkalası (maksimum bal 2400) ilə hesablanacaq.
Bütün xəbərlər Facebook səhifəmizdə
USD
EUR
GBP
RUB