Bu gün Tələbə Qəbulu üzrə Dövlət Komissiyasında (TQDK) Azərbaycan Milli Mətbuatının 140 illiyi münasibəti ilə jurnalistlər mükafatlandırılıb. SİA xəbər verir ki, mükafatlandırma mərasimində TQDK sədri Məleykə Abbaszadə, TQDK-nın şöbə müdürləri və KİV nümayəndələri iştirak ediblər.
Tədbiri giriş sözü ilə açan TQDK sədri Məleykə Abbaszadə bildirib ki, (TQDK) 2015-2016-cı tədris ili üçün qəbul kampaniyasını başa çatdırıb: "Bu il keçirilmiş müxtəlif təyinatlı imtahanlarda ümumilikdə 600 mindən artıq insan iştirak edib. Artıq yeni ilin hazırlıq mərhələsinə başlanılıb. TQDK-nın komissiyanın son 6 ay ərzində vətəndaşlara təqdim etdiyi elektron xidmətlər istifadəçi sayına görə birinci yerdə olub. Belə ki, TQDK-nın 15 elektron xidmət növlərindən bir il ərzində 4 167 385 dəfə istifadə olunub".
Daha sonra TQDK tərəfindən KİV nümayəndələri arasında elan edilən müsabiqənin qalibləri mükafatlandırılıb.
Qeyd edək ki, 2 nominasiya üzrə aparılan müsabiqə 2015-2016-cı tədris ili üçün ali və orta ixtisas təhsili müəssisələrinə keçirilmiş qəbul imtahanlarına aid ən yaxşı məqalə üzrə olub.
İntizarə Məmmədova
Bütün xəbərlər Facebook səhifəmizdə
USD
EUR
GBP
RUB