"İyulun 20-dən 29-dək Bakıda keçiriləcək ümumtəhsil məktəblərinin yuxarı siniflərində təhsil alan şagirdlər arasında beynəlxalq kimya olimpiadasına dünyanın bir çox ölkələrindən komandalar qatılacaq". SİA-nın məlumatına görə, bunu jurnalistlərə açıqlamasında təhsil naziri Mikayıl Cabbarov söyləyib. Nazir bildirib ki, sözügedən yarışlarda Azərbaycan komandası da iştirak edəcək: "Bu istiqamətdə son 1 ildə xüsusi təşkilat komitəsi yaradılıb. Təşkilat Komitəsinə Lomonosov adına Moskva Dövlət Universitetinin Bakı filialının rektoru, professor Nərgiz xanım Paşayeva rəhbərlik edir. Həm təşkilat, həm şagirdlərin akademik nailiyyətləri nöqteyi-nəzərdən biz böyük ümidlə və səbirsizliklə olimpiadanın başlanmasını gözləyirik. Çünki bir qayda olaraq belə olimpiadalarda istedadlı şagirdlər aşkarlanır".
Nazir müəllimlərin maaşının qaldırılması ilə bağlı qərara da toxunub. Diqqətə çatdırıb ki, qərar 2015-ci ilin yanvar ayından tətbiq olunur: "Bu qərar artıq yeddinci aydır ki, qüvvədədir. Sınaq qiymətləndirmədən keçmiş müəllimlərin maaşının qaldırılmasının tətbiqinə 2015-ci büdcə ilindən başlanıb".
Bütün xəbərlər Facebook səhifəmizdə
USD
EUR
GBP
RUB