"Bütün dünyanın aparıcı mütərəqqi ölkələrində, xüsusilə ciddi təhsil sisteminə malik ölkələrində "4+4+4" təhsiln sistemindən istifadə edilir. Bu həqiqətən çox müsbət təcrübədir". Bunu SİA-ya açıqlamasında millət vəkili Məlahət İbrahimqızı söyləyib. Bildirib ki, qardaş Türkiyədə də 12 illik təhsil sisteminə keçilib: "Bu gün Azərbaycan dünyaya inteqrasiya edir. Cənab prezidentimiz İlham Əliyev də təhsilin daha da inkişaf etməsi ilə bağlı davamlı olaraq islahatlar keçirir. Həmçinin gənclərimizin xarici ölkələrdə yüksək səviyyədə təhsil almaları üçün layihələr həyata keçirilir. Burda da müəyyən problemlər yaranır. Yəni Azərbaycanda şagirdlər 11 il orta təhsil alırlar. Ancaq Avropada 12 illik təhsil sistemi tətbiq olunur. Bu da gənclərimizin orada müəyyən problemlərlə üzləşməsinə səbəb olur. Aparılan tədqiqatlar göstərir ki, ən müsbət təcrübə "4+4+4"-dür. Həqiqətən də 12 illik təhsil sisteminə keçilməsi yeni nəslin elmi dünyagörüşünün, elmi texniki tərəqqinin son nəticələrinə, vətəndaş cəmiyyətinin formalaşmasına, hüquqi dövlət quruculuğu prosesinə uyğun hərtərəfli kadrlar kimi yetişməsinə yardım edəcək. Ona görə də bizdə də bu sistemə hazırlıq gedir və yaxın vaxtlarda buna keçiləcək. Bu sistemi yüksək qiymətləndirirəm. Onu da diqqətinizə çatdırım ki, hər bir yenilik cəmiyyətdə asanlıqla qarşılanmır. Əgər biz narazılığı nəzərə alsaq, heç bir inkişaf da ola bilməz. Düşünürəm ki, bunu cəmiyyətdə mütəmadi olaraq təbliğ etməliyik".
Daha sonra professor Şahlar Əsgərov da 12 illik təhsil sisteminin tətbiqini yüksək qiymətləndirib: "Dövlət nə qədər çox gənclərinə təhsil vermək gücünü öz öhdəsinə götürürsə, həmin sahənin inkişafı sözsüz ki, olacaqdır. Mən 10 il bundan öncə 12 illik təhsilin tərəfdarı olmamışdım. Çünki o zamanlar indiki kimi məktəblər çox deyildi. Ancaq hazırda hər cür şəraiti olan məktəblərimiz var. Ona görə də 12 illik təhsil sistemi orta məktəb üçün çox məqbuldur və bunu alqışlamaq lazımdır. Bir sözlə 12 illik təhsili cəmiyyətdə, şagirdlərin yanında təbliğ etmək lazımdır ki, onlar buna maraq göstərsinlər. Bu baxımdan təhsilin günün tələbləri səviyyəsinə uyğun şəkildə qurulması hər bir ölkənin sivil inkişafını və gələcəyini təmin edilməsində önəmli rol oynamaqdadır. Bir sözlə bu işdə təşkilatı və idarəetməni düzgün qurmaq lazımdır. Çünki düzgün təşkil olunan işdən də uşaqlar boyun qaçıra bilməzlər".
Bütün xəbərlər Facebook səhifəmizdə
.jpg)
.jpg)
USD
EUR
GBP
RUB