"Ölkə üzrə buraxılış imtahanlarının nəticələrində təxminən 1-2% müsbətə doğru dəyişikliklər var. Amma bu göstəricilər müxtəlif rayonlara görə dəyişir. Məsələn, hansısa regionda irəliləyiş müsbət 5%-dirsə, digər regionda nəticə aşağı düşüb. Buna görə də ümumi ölkə üzrə götürdükdə görürük ki, nəticələrdə 1-2% irəliləyiş var. Amma ümumilikdə statistik nöqteyi-nəzərdən bu o deməkdir ki, nəticələr keçən ilki səviyyə ilə eynidir. Müsbət sıçrayış hələki müşahidə olunmur". SİA-nın xəbərinə görə, bunu Tələbə Qəbulu üzrə Dövlət Komissiyasının sədri Məleykə Abbaszadə jurnalistlərə açıqlamasında deyib.
O həmçinin qeyd edib ki, bu il Azərbaycanda keçirilən buraxılış imtahanlarının nəticələri keçən illə müqayisəlidir.
M. Abbaszadə eyni zamanda iyul ayında keçiriləcək qəbul imtahanları barədə də danışıb. O qeyd edib ki, iyulun 12-də və 20-də bu ilin məzunları üçün ali məktəblərə qəbul imtahanları keçiriləcək: "İmtahanda 2 gün sonra nəticələr araşdırılacaq. Əvvəlki illərin məzunları üçün keçirilən qəbul imtahanının nəticələri isə mayda elan olunub və bu barədə ictimaiyyətə geniş məlumat verilib".
Bütün xəbərlər Facebook səhifəmizdə
USD
EUR
GBP
RUB