Təhsil naziri Mikayıl Cabbarov məktəblilərin fənn olimpiadalarının yekun turunun keçirilməsi haqqında əmr imzalayıb. Təhsil Nazirliyindən SİA-ya verilən xəbərə görə, əmrdə məktəblilərin fənn olimpiadalarının yekun turunun 16-17 mart tarixdə Bakı şəhərində keçirilməsi qeyd olunub.
Olimpiadaların yekun turunun iştirakçıları martın 16-da qəbul edilərək Azərbaycan dili və ədəbiyyat, Azərbaycan tarixi fənləri üzrə Nazirlik tabeliyindəki S.C.Pişəvəri adına humanitar fənlər gimnaziyasında, riyaziyyat, fizika və informatika fənləri üzrə Nazirlik tabeliyindəki fizika-riyaziyyat və informatika təmayüllü liseydə, kimya və biologiya fənləri üzrə Nazirlik nəzdindəki kimya-biologiya təmayüllü liseydə yerləşdirilsinlər.
Əmrdə bildirilib ki, olimpiadaların yekun turu Azərbaycan dili və ədəbiyyat, Azərbaycan tarixi, riyaziyyat, fizika, kimya, biologiya fənlərindən iştirakçıların yerləşdiyi müəssisələrdə, informatika fənnindən isə BDU-da 17 mart tarixdə keçirilsin.
Əmrin icrasına nəzarət nazir müavini Ceyhun Bayramova həvalə olunub.
Bütün xəbərlər Facebook səhifəmizdə
USD
EUR
GBP
RUB