Bu ilin yanvar ayında Azərbaycanda istehlakçıların tələbatlarının ödənilməsi məqsədilə ölkənin istehlak bazarında satılmış əmtəə və xidmətlərin həcmi 2,3 mlrd. manat olub. Dövlət Statistika Komitəsindən SİA-ya verilən məlumata görə, bu, ötən ilin eyni ayı ilə müqayisədə 9,0% çoxdur.
Hesabat dövründə pərakəndə ticarət və xidmət şəbəkələrində satılmış əmtəələrin və göstərilmiş xidmətlərin ümumi həcminin 94,2%-i özəl bölmənin fəaliyyəti sayəsində formalaşıb. Bu bölmə üzrə pərakəndə əmtəə dövriyyəsinin və əhaliyə göstərilən xidmətlərin həcmi 9,5% artaraq 2,2 mlrd. manat olub.
İstehlak bazarı üzrə real artımın 25,1%-i hüquqi şəxslərin, 74,9%-i fiziki şəxslərin təsərrüfat subyektlərində yaranıb.
Bütün xəbərlər Facebook səhifəmizdə
USD
EUR
GBP
RUB