Bu gün Azərbaycan Dillər Universitetinin rektoru, Milli Məclisin deputatı, professor Səməd Seyidov Sudan səfirliyinin səlahiyyətli nümayəndəsi Muhamməd Elballa Osmanı qəbul edib. Universitetin mətbuat xidmətindən SİA-ya verilən xəbərə görə, qonağı salamlayan rektor professor Səməd Seyidov onu ADU-da görməkdən məmnun olduğunu dilə gətirib. Universitet haqqında danışan rektor, professor Səməd Seyidov ADU-da Qərb və Şərq dillərinin geniş tədris olunduğunu bildirib. ADU-da Regionşünaslıq və beynəlxalq münasibətlər fakültəsində Ərəbşünaslıq ixtisasında ərəb dilinin tədris olunduğunu nəzərə çatdırıb.
Səmimi qəbula görə təşəkkür edən Sudan səfirliyinin səlahiyyətli nümayəndəsi - müstəşar elçi Muhammed Elballa Osman ADU-da ərəb dilinin tədrisindən razı qaldığını qeyd edib.
Görüşdə təhsil sahəsində əməkdaşlıq məsələləri ətrafında fikir mübadiləsi aparılıb
Bütün xəbərlər Facebook səhifəmizdə
USD
EUR
GBP
RUB