Bu gün Bakıda Türkiyənin dövlət və özəl universitetləri, yataqxanaları, kolleclərinin iştirakı ilə təhsil sərgisi keçirilir. SİA-nın xəbərinə görə, "Akademi Group" şirkəti tərəfindən təşkil olunan sərginin açılışında Türkiyə səfirliyinin və həmin ölkənin təhsil müşavirliyinin nümayəndələri iştirak edib. Türkiyə təhsil ocaqlarının qatıldığı sərgidə 30-dan artıq qurum iştirak edir. Sərgidə Bahçeşehir Universiteti, Aydın Universiteti, Atatürk Universiteti, Orta Doğu Texniki Universiteti (ODTÜ), Akdeniz Universiteti və digər ali təhsil ocaqları təmsil olunur. Sərgi çərçivəsində tələbələrə yüksək keyfiyyətli təhsil imkanı, yataqxanalar və digər məsələlər barədə ətraflı məlumat verilir. Bundan əlavə, türk universitetlərində pulsuz təhsil imkanları haqda da təqdimatlar keçirilir.
Türkiyə Azərbaycandakı Səfirliyinin təhsil müşaviri Meral Barlas bildirib ki, Azərbaycanla-Türkiyə bütün sahələrdə olduğu kimi təhsil sahəsində də birgə əməkdaşlıq edirlər. Onun sözlərinə görə, bu sərginin keçirilməsində məqsəd iki ölkə tələbələrinin qarşılıqlı əməkdaşlığına, əlaqələrinin möhkəmləndirilməsinə təkan verməkdir.
Nərmin Nəsirli
Bütün xəbərlər Facebook səhifəmizdə
USD
EUR
GBP
RUB